This post is password protected. To view it please enter your password below:

Password:

This post is password protected. To view it please enter your password below:

Password:

Jan Koep
De Science Club huet zu engem groussen Deel dozou bäigedroen, dass ech mech haut sou vill fir d’Wëssenschaft interesséieren. Duerch de Science Club hun ech vill geléiert, ewéi z. B. iwwer Physik, Chemie an Elektrotechnik, awer wéi ee richteg mat engem Léitkollef léid oder mat engem Mikroskop schafft.
De Science Club bréngt dobäi eppes fäerdech, wat net einfach ass. Hie bréngt et fäerdeg de Kanner a Jugendlechen Wëssenschaft mat vill Spaass méi no zebrengen.
Haut halen ech selwer wëssenschaftlech Atelieren als Moniteur an dat hunn ech zu engem groussen Deel dem Science Club ze verdanken.

Merci fir déi flott Zäit, déi mir zesummen haten an alles Guddes fir deng 10 Joer.

Jan Koep
Alter : 19 Joer

Pit Koob
Mein Numm ass Pit Koob.

Ech huele schonns zënter deem ech al genuch sinn un den Aktivitéiten vum Science Club deel.
Fir d’éischt war ech éischter bei klengen Atelieren dabei, de MadLab huet mir virun allem ëmmer gutt gefall.
Wéi ech dun bësse méi al war, hunn ech ugefaang an d’Kolonien mat ze goen.
Ech war zweemol mat op de Science Camp, op Antibes tauchen, eng kéier op den Astrocamp, Discovering Scotland an de Four Elements Camp mat.
Virun allem de Science Camp huet mech am allgemenge fir d’Wëssenschaft begeeschtert, den Tauchcamp huet mech zu mengem Sport bruecht. Ech ginn zënter 2 Joer régelmeisseg mam Dikkrecher Tauchclub tauchen.
Déi aner Campen waren awer och eng wichteg Erfahrung a mengem Liewen, an ech hun op alle Fall masseg Allgemengwessen iwwert d’Joeren am Science Club gesammelt.

D’Enn vum Lidd ass: Ech wëll Chimie studéieren goen, si Moniteur ginn a fänken am Moment och un, mech am Science Club z’engageieren iwwer d’PINS asbl.
D’Organisatioun huet mäi Liewen also bis elo ganz staark zum Gudden beaflosst, villmools Merci dofir.

Pit Koob
Alter : 19 Joer

Laurent Cattarinussi

Eemol Science Club, ëmmer Science Club.

Dat passt vläit net zu jidderengem mä mäin Wee beschreift et awer schonn zimlech gutt. Virun 10 Joer war ech direkt bei deenen éischten Aktivitéiten dobäi an och haut maachen ech nach mat, wann och an enger anerer Roll. Wann ech fréier wollt verstoen wie alles fonctionnéiert an och vill neies wollt kenne leieren sinn ech et haut dee probéiert de Kanner eppes bäi ze bréngen, mä awer och hinnen puer Stonnen eng flott an léierräich Aktivitéit ze bidden.Als Member vun Pins asbl  war ech bis lo schonn 2 mol als Moniteur beim Science Camp dobäi an hunn och un aneren flotten Aktivitéiten deel geholl . Et gefält mir och lo nach grad sou gutt wei am Ufank. Et ass einfach ëmmer rëm flott d’Kanner begeeschteren ze kennen an hinnen Saachen ze weisen, wou hinnen Aen an Oueren opstoen bleiwen. Op alle Fall sinn ech duerch d’Aktivitéiten vum Science Club vill nei Saachen gewuer ginn. Ech hu Saachen besser verstanen an anerer di ech virdrun nach net kannt hunn, krut ech gewisen. Mee natierlech waren och Aktivitéiten dobäi di einfach nëmmen Spaass gemaach hunn. Net ze vergiessen sinn natierlech och déi Leit di ee während den Aktivitéiten kenne léiert. De Science Club ass eben eng gutt Méiglechkeet fir mech gewiescht, a menger Fräizäit Spaass ze hunn, mä och eppes neies ze léieren.

Bis geschwënn.

Laurent Cattarinussi
Alter:  21 Joer

Julie Nilles
Zënter Joere sinn ech am Science-Club, ech war ni wierklech u klenge Workshopen vun engem halwen Dag interesséiert dofir awer ëmsou méi u Campen. An de leschten Joen sinn ech bal all Joer an en Camp gaangen, dovunner 3 mol an den Science-Camp, an eemol op Antibes tauchen. Langweileg war et ni, ganz am Géigendeel!

Déi éischte kéier wou ech an e Camp gaangen sinn war ech zimlech nervös: et kennt ee keen, et weess ee net genau wat op een duerkënnt, an wat wann den Science-Camp engem net sou gefält well ee ni wierklech eppes mat der Wëssenschaft ze dinn hat? An trotzdem, no spéitstens enger hallwer Stonn, hat een schonn nei Frëndschaften geschloss an huet sech wuel gefillt. An um Schluss vun der Woch wollt keen méi heem. Zënterdeem ass ee Camp am Summer fir mech bal ëmmer um Programm.

Niewent villen Aktivitéiten wéi Experimenter, Sport oder am Tauch-Camp natierlech tauchen, haten ma ëmmer och genuch Fräizäit an vill ze laachen. Ouni d’Moniteuren déi vill Spaass verstinn wär dat net méiglech gewiescht, ob elo eng Waasserschlacht mam Paul an mam João, op der Plage leien mam Recht vun eisem Tauchtrupp oder déi puer Kéieren wou ma eng kleng gestiicht haten. An wee ka vun sech behaapten, zu 25 Stéck an der Stad op der Plëss eng Laurenzia gemaach ze hunn? Wahrscheinlech just déi, wou dat Joer mat dobäi waren.

Eis huet et oft esou gefall, dass ma ënnerteneen ausgemaach haten dat Joer drop eis erëm an engem Camp ze treffen, mat der Zäit war een wéi eng kleng Famill zesummegewuess. D’Frendschaften déi entstanen sinn halen deelweis nach bis haut un an och mat e puer Moniteuren hunn ech nach e bëssi Kontakt. De Science-Club huet eis zesummengeschweesst, mier hunn net nëmmen villes bäigeléiert, mä och Leit kennegeléiert, wéi et normal kaum méiglech ass, op allefall sinn et schéin Erënnerungen an Erfahrungen.

Julie Nilles
Alter : 18 Joer

Science Quiz

• Eischte Präis: offréiert vum Euro Space Center Transinnes an der Belsch: „Mission Ariane „ : 1 Dag fir 4 Persoune
  am Euro Space Center. Soumat kanns du entweder mat denger Famill (minimum 9 Joer) oder mat Frënn en Dag un
  engem Astronautestage deelhuelen.
• Trouschtpräiss: Jidfereen, dee matmecht kritt eng Stärekaart „Sternkarte für Einsteiger“ vu Kosmos.

2 gratis Aktivitéiten

2 gratis Ausflicht fir eis trei Memberen, oder déi déi et wëlle ginn. Et si limitéiert Plazen a Prioritéit hunn déi, déi bis elo am meeschten bei eisen Aktivitéite matgemat hunn. 12.

• Fir Jonker vun 11-13: En Ausfluch an den Technopolis, e Science Center, zu Mechele bei Bréissel an der Belsch, den 31. Mee 2012.
• Fir Jonker vun 13-18: Eng Besichtegung vun der BASF, eng grouss Chimiesfabrik, zu Ludwigshafen an Däitschland, den 2. Juni 2012.

Science Club Member Temoignagen

An enger flotter Atmosphär presentéieren jonk Leit hir Aarbechten zu wëssenschaftleschen Themen déi si faszinéieren..

Wéini : 29 Abrël vun 14.00 bis 16:30

Wou: Abtei Neumünster

Organiséiert vun : Jonk Fuerscher Lëtzebuerg Asbl.

Weider Infoen

De Service National de la Jeunesse bitt all Joer eng ganz Rei vu Formatiounsweekender u fir Animateur ze ginn. Dës Formatioune si vollgespickt mat prakteschen Aktivitéiten a Spaass an Action si garantéiert.

Dëss Animateursformatioun ass valabel bei all grouss lëtzebuerger Organisatioun déi Campen, Kolonien a soss Aktivitéiten organiséieren (SNJ, Caritas, Croix Rouge, LGS, FNEL, …).

Vum leschte Joer u leeft eng Zousatzformatioun an der Spezialisatioun « Animateur Scientifique », wou ee geléiert gëtt fir Animatiounen an Ateliere mat Wëssenschaft ze verbannen. Fir hei mattzemachen muss ee kee Spezialist an de Wëssenschafte sinn, mee et geet duer wann ee keng Angscht virdrun huet. Dëse Weekend gëtt och am Kader vun dem normale Formatiounszyklus mat ugerechent. Dëst Joer sinn nach 2 där Spezialweekender, déi och vum Science-Club ënnerstëtzt ginn.

• 5. Mee bis de 6. Mee zu Ierpeldeng: Outdoor Science: Grouss Aktivitéiten dobaussen – déi entweder ze grouss, ze spektakulär oder ze knaschteg fir dobanne sinn, an Experimenter matt, an an der Natur.

• 29. bis 30. September zu Wäicherdeng: Special Effects: Mir weisen iech Materialien an Tricker mat deenen all Animatioun zu engem Spektakel gëtt. Mir léieren och de richtegen Ëmgang mat deenen, zum Deel, geféierleche Substanzen.

D’Weekender gi vum Joseph Rodesch (bekannt als Mister Science) a vum Michel Wolff gehalen, an op all Weekend komme Spezialisten aus de jeeweilegen Domainer.

Fir déi 2 Weekender sinn nach e puer Platzen ze kréien! Wann dir interesséiert sidd, da mellt iech séier un!

Méi Info an Umeldung op agenda.snj.lu (KOPRIWA Anouk, Tel: 247-86464)

Fir weider Informatioune kënnt dir och eng Mail op: mister.science@fnr.lu schécken.

um IPAD kucken (oder aner Geräter ouni FLASH)

A) De Satellit Astra 1A, dee 1960 vu Betzduerf gestart war, ass vu senger Orbit ofkomm an iwwer Osteuropa erofgefall.
B) En 300 kg schwéieren Meteorit ass an d’Äerdatmosphär agedrongen an do lues a lues vergléit an iwwer Osteuropa erofgefall.
C) D’Raumstatioun MIR an ISS sinn zesummen kollidéiert an iwwer Ost-Europa erofgefall.

Eischte Präis: offréiert vum Euro Space Center Transinnes an der Belsch: „Mission Ariane „ : 1 Dag fir 4 Persoune am Euro Space Center. Soumat kanns du entweder mat denger Famill (minimum 9 Joer) oder mat Frënn en Dag un engem Astronautestage deelhuelen.
Trouschtpräiss: Jidfereen, dee matmecht kritt eng Stärekaart „Sternkarte für Einsteiger“ vu Kosmos.

Numm *

Virnumm *

E-mail *

Deng Äntfert *

Falls du nach kee Member vum Science Club bass muss du nach folgend Felder ausfëllen:

Adress

Gebuertsdatum

Telefonsnummer

Pour plus d’informations et connaître la liste des équipes inscrites : www.robots-sans-frontieres.eu